കാത്തിരുന്നു കാത്തിരുന്ന യൂറോ കപ്പ് ചാമ്പ്യൻമാരെ ഇന്നറിയാം. കിരീടപ്പോരാട്ടത്തിൽ മുന്‍ ചാമ്പ്യൻമാരായ സ്പെയിൻ കന്നിക്കിരീടം ലക്ഷ്യമിടുന്ന ഇംഗ്ലണ്ടിനെ നേരിടും. ബെർലിനിൽ രാത്രി പന്ത്രണ്ടരയ്ക്കാണ് ഫൈനൽ.
30 ദിവസത്തിനും 50 മത്സരങ്ങൾക്കും 114 ഗോളുകൾക്കും ഒടുവിലാണ് യൂറോകപ്പിനായി സ്പെയിനും ഇംഗ്ലണ്ടും മുഖാമുഖം വരുന്നത്. സ്പെയിൻ 2012ന് ശേഷമുള്ള ആദ്യ കിരീടം ലക്ഷ്യമിടുമ്പോൾ ഇംഗ്ലണ്ട് സ്വപ്നം കാണുന്നത് ആദ്യ യൂറോ കിരീടം. എല്ലാ കളിയും ജയിച്ചെത്തുന്ന സ്പെയിന് മുന്നിൽ ഇറ്റലിയും ക്രോയേഷ്യയും ജർമ്മനിയും ഫ്രാൻസുമെല്ലാം നിലംപൊത്തി.
പതിഞ്ഞ് തുടങ്ങിയ ഇംഗ്ലണ്ട് സെമിയിൽ ഉൾപ്പടെ മിക്ക കടമ്പയും പിന്നിട്ടത് അവസാന മിനിറ്റ് ഗോളിലൂടെ. പ്രതിഭാ ധാരാളിത്തം കൊണ്ട് സമ്പന്നരാണ് ഇംഗ്ലണ്ടും സ്പെയിനും. കഴിഞ്ഞ യൂറോ ഫൈനലില്‍ പെനല്‍റ്റി ഷൂട്ടൗട്ടില്‍ ഇറ്റലിക്ക് മുമ്പില്‍ ഇംഗ്ലണ്ട് വീണു. അന്ന് ടീമിലുണ്ടായിരുന്ന ഭൂരിഭാഗം താരങ്ങളും ഇംഗ്ലണ്ട് നിരയില്‍ ഇപ്പോഴുമുണ്ട്. 1966ല്‍ സ്വന്തം നാട്ടില്‍ ലോകകപ്പ് ജയിച്ചതൊഴിച്ചാല്‍ സമ്പന്നമായ ലീഗ് പാരമ്പര്യമുണ്ടായിട്ടും ഇംഗ്ലണ്ട് ഫുട്ബോള് ടീമിന് ഒരു പ്രധാന കിരീടം സ്വന്തമാക്കാനായിട്ടില്ല.
കോപ്പ അമേരിക്ക കലാശപ്പോരാട്ടത്തിനൊരുങ്ങിക്കഴിഞ്ഞു ഫ്‌ളോറിഡയിലെ ഹാര്‍ഡ് റോക്ക് സ്‌റ്റേഡിയം. നാളെ രാവിലെ അഞ്ചരയ്‌ക്കാണ് നിലവിലെ ജേതാക്കളായ അര്‍ജന്റീനയും കൊളംബിയയും കലാശപ്പോരിൽ ഏറ്റുമുട്ടും. ലോക ഫുട്ബോള് ചാമ്പ്യന്‍മാര്‍ കൂടിയായ ലയണല്‍ സ്‌കലോനിയുടെ
അര്‍ജന്റീനയെ വലിയ പരീക്ഷണമാണ് കാത്തിരിക്കുന്നത്. പരിശീലകനായ നെസ്റ്റര്‍ ലോറെന്‍സോയ്‌ക്ക് കീഴില്‍ വിജയക്കുതിപ്പ് തുടരുന്ന കൊളംബിയന്‍ കരുത്താണ് അര്‍ജന്റീനയ്‌ക്ക് വെല്ലു വിളിയുയര്‍ത്തുന്നത്.
തോല്‍വി അറിയാതെയാണ് 28 കളികള്‍ പൂര്‍ത്തിയാക്കി കൊളംബിയ ഫൈനലിലെത്തിയിരിക്കുന്നത്. ഇതിന് മുമ്പ് ടീം പരാജയപ്പെട്ടത് 2022 ഫെബ്രുവരി 11ന് അര്‍ജന്റീനയ്‌ക്കെതിരെയാണ്. ഖത്തര്‍ ലോകകപ്പ് യോഗ്യതാ മത്സരത്തിലായിരുന്നു ആ തോല്‍വി. ഇരുവരും തമ്മിലുള്ള അവസാനത്തെ
നേര്‍ക്കുനേര്‍ പോരാട്ടവും അതായിരുന്നു. മത്സരത്തില്‍ സ്‌കലോനിക്ക് കീഴിലുള്ള അര്‍ജന്റീന ലാട്ടരോ മാര്‍ട്ടിനെസ് നേടിയ ഏകപക്ഷീയമായ ഒരു ഗോളിനാണ് വിജയിച്ചത്.
തുടര്‍ച്ചയായി രണ്ടാം കിരീടം ലക്ഷ്യമിട്ടാണ് സ്‌കലോനിക്ക് കീഴിലെ ലയമല്‍ മെസിയും സംഘവും ഇന്ന് മയാമിയിലിറങ്ങുന്നത്. ഒപ്പം കൂടുതല്‍ കോപ്പ കിരീടം പങ്കുവയ്‌ക്കുന്ന ഉറുഗ്വേയെ മറികടക്കുകയെന്ന ലക്ഷ്യം കൂടിയുണ്ട്. നിലവില്‍ ഇരു ടീമുകളും 15 വീതം തവണയാണ്
ലാറ്റിനമേരിക്കന്‍ ടൂര്‍ണമെന്റില്‍ ജേതാക്കളായിട്ടുള്ളത്. കഴിഞ്ഞ വര്‍ഷം 2026 ലോകകപ്പ് യോഗ്യതാ മത്സരത്തില്‍ ഉറുഗ്വേയോട് മാത്രമാണ് ടീം കഴിഞ്ഞ ഒന്നര വര്‍ഷത്തിനിടെ തോറ്റിട്ടുള്ളത്.
© The News Journalist. All Rights Reserved, .
Design by The Design Shop
