ഗുരുവായൂർ: ഗുരുവായൂർ അമ്പല നടയിൽ റിക്കാർഡ് വിവാഹങ്ങള്‍ക്കാണ്. ആറര മണിക്കൂറിനകം ഗുരുവായൂരില്‍ നടന്നത് 334 വിവാഹങ്ങള്‍. ഭക്തർക്ക് സുഗമമായ ദർശനവും ഒരുക്കി. വിവാഹമെല്ലാം എല്ലാം സെറ്റ് ദേവസ്വം ജീവനക്കാരും സെക്യുരിറ്റി വിഭാഗവും ക്ഷേത്രം കോയ്മമാരും ഒപ്പം പൊലീസും മികവാർന്ന സേവനമൊരുക്കി. രാവിലെ നാല് മുതല്‍ വിവാഹങ്ങള്‍ തുടങ്ങി. ടോക്കണ്‍ ലഭിച്ച വിവാഹ സംഘത്തിന് തെക്കേ നടപന്തലില്‍ വിശ്രമിക്കാൻ ഇരിപ്പിടമൊരുക്കി. ഊഴമെത്തിയതോടെ മണ്ഡപത്തിലെത്തി താലികെട്ടി. ഉച്ചപൂജക്ക് നട അടക്കുന്നതിന് മുൻപായി 333 കല്യാണം നടന്നു. വിവാഹത്തിരക്ക് കുറഞ്ഞതോടെ കിഴക്കേ നട ഭക്തർക്ക് തുറന്ന് നല്‍കി. മറ്റു നിയന്ത്രണങ്ങളും നീക്കി. ഉച്ചപൂജ കഴിഞ്ഞ് നട തുറന്നതോടെ ഒരു വിവാഹം കൂടി നടന്നു. 350 ലേറെ വിവാഹം ശീട്ടാക്കിയിരുന്നെങ്കിലും ഇരുപതിലേറെ ഡബിള്‍ എൻട്രിയുണ്ടായി.
വധുവിൻറെയും വരൻറെയും സംഘം ഒരുപോലെ വിവാഹം ശീട്ടാക്കിയതാണ് ഡബിള്‍ എൻട്രിക്കിടയാക്കിയത്. വിവാഹ നടത്തിപ്പിനും ഭക്തർക്ക് ക്ഷേത്ര ദർശനത്തിനും ദേവസ്വം പ്രത്യേക ക്രമീകരണങ്ങള്‍ ഒരുക്കിയിരുന്നു. ദേവസ്വം ചെയർമാൻ ഡോ.വി.കെ. വിജയൻ, ദേവസ്വംഭരണ സമിതി അംഗം സി. മനോജ്, അഡ്മിനിസ്ട്രേറ്റർ കെ.പി. വിനയൻ എന്നിവർ കിഴക്കേ നടയിലെത്തി പ്രവർത്തനങ്ങള്‍ക്ക് നേതൃത്വം നല്‍കി. ഗുരുവായൂർ എ സി പി ടി എസ് സിനോജിൻറെ നേതൃത്വത്തില്‍ പൊലീസ് ഉദ്യോഗസ്ഥർ സേവന സജ്ജരായി ഭക്തർക്ക് സഹായമൊരുക്കി.
© The News Journalist. All Rights Reserved, .
Design by The Design Shop
